Қымбатты достар! Барлықтарың эссе байқауының қорытындысын тағатсыздана күтіп отырған шығарсыңдар!  Біз нәтижелерді жариялауға асықпыз! Сендердің жұмыстарыңды тексерген сарапшылардың арасында: филология магистрі М.Б Айтмағамбетова, Павлодар қалалық «Шаһар» газетінің журналисі Ә.Қабдуахит, республикамызға танымал жыршы Д.Әсенов пен «Бес асыл» қоғамдық қорының директоры Л.Қ.Асқарова және ҚИО ұйымдастырушылары болды.

Сендердің жұмыстарыңның көбі шын сезімнен, үлкен жауапкершілікпен жазылғаны байқалып тұрды. Бұл үшін үлкен алғысымызды білдіреміз! Жұмыстар келесі талаптар бойынша сарапқа салынды:

1. Мазмұнның тақырып пен жанрға сай болуы (5 ұ.);

2. Қолданылған фактілердің дұрыстылығы (3 ұ.);

3. Авторлық көзқарас пен шынайылық, эмоционалдық (7 ұ.);

4. Материалды жазудағы ұқыптылық пен мәдениеттілік (стильдік бірлік, көркемділік, сөздік қордың молдығы (5 ұ.);

5. Біліктілік (3 ұ.).

Осы жерде біз сарапшылардың қорытындысы негізінде үздік эсселердің авторларын жариялаймыз. Сіздер сондай-ақ бұл жұмыстармен танысып, қазылар шешімінің әділдігіне көздеріңізді жеткізе аласыздар.

Сонымен, 10-11 сынып оқушыларының арасында СТИКС мектебінің оқушысы Антонюк Илья жеңімпаз деп танылды.

Ал 8-9 сыныптардың арасында Павлодар облысындағы Ақсу қаласының №8 мектептің оқушысы Таптешов Әділ, Павлодар қаласындағы СТИКС мектебінің өкілі Акилова Алина мен Қарағанды қаласындағы № 85 мектептің оқушысы Фогельгезанг Надежда есімді қатысушыларымыздың жұмыстары үздік деп танылды.

Сондай-ақ 6-7 сынып оқушыларының арасында Мағжан Жұмабаев атындағы № 39 мектеп-гимназиясының өкілі Әбілдина Анардың (Қарағанды), СТИКС мектебінің оқушылары Охрименко Денис пен Давыдова Ксенияның (Павлодар) және № 9 мектеп-гимназиясынан Ахметова Лейланың (Қарағанды) эсселері өз қатарластары арасында көш басында тұр.

Жеңімпаздарды құттықтаймыз! Ұйымдастырушылар сендерге арнап дипломдар мен сыйлықтарды әзірлеу үстінде!

ҚИО жеңімпаздарын салтанатты түрде марапаттау 2011 жылдың қаңтар айының екінші жартысына жоспарлануда.