Шуағын төгіп жеткен жылдың тамаша мезгілі көктем айы-нәзік жанды аруларымыздың мейрамымен басталады.Әлемдегі әсемдік пен сұлулық әйел көркі мен ана мейірімінен нәр алған деген даналық сөз бар.

Өмірге ұрпақ әкеліп, тәрбиелеп, өсіріп, тіршілікке тірек болған асыл мұраттары мен қажыр-қайраттары үшін ардақты ана мен асыл жарға, аяулы қарындасқа әрдайым құрметпен қараған. Жер бетіндегі жақсылық атаулы нәзік жанды аруларымыздың үлкен жүрегімен әрленеді десек жаңылыспағанымыз.

Жаны жібектей жұмсақ, қылықты мінездерімен, көркем келбеттерімен көпшілікті тамсандырған аяулы қарындастарымыз, іскерлік пен ізеттілікті бір бойларына жинаған асыл аналарымыз, шаңырақтың құт берекесін әр кез назарда ұстайтын аяулы әжелеріміз мейрамдарыңыз құтты болсын! Ынтымағы жарасқан, қаймағы бұзылмаған тату еліміздің барлық арулары аман болсын! Отбасыларыңызға амандық, береке-бірлік, жұмыстарыңызға іскерлік, денге саулық тілейміз!