Құрметті Казақстан тарихы бойынша олимпиада қатысушылары! Осы интернет олимпиада 2012 жылдың 17.09-нан 01.10-на дейін өткізіледі. Олимпиаданың мақсаты – мектеп оқушыларына дүниеге көзқарастың негізін қалайтын Қазақстан тарихы пәні бойынша өз біліктілігін тексеру.
Бұл пән әлеуметтік-гуманитарлық пәндердің ішінде өзіндік жеке орын алып, барлық білім беретін оқу орындардың оқу жоспарларына енгізілді. Қазақстан тарихы көне заманнан Қазақстан жерінде орналасқан елдерді, ғасырлар бойы болған мемлекеттерді, мәдени құндылықтар мен дәстүрлерді зерттейді, ел тарихының басты мәселелерін (этногенез, мемлекеттілік, ұлт-азаттық қозғалыстар т.б.) қайтадан ойластырады.
Тарих – мәңгі дамитын ғылым. Ол әлем мен оның тарихын зерттеу, ашу. Тарих арқылы біз кеңістік және уақыттың ішінде саяхат жасаймыз. Бүкіл тарих ғылымы ең алдымен адамды зерттеуге бағытталған. Әр тарихи деректер, қоғамдық институттар және саяси құрылымдардың артында адам мен оның қоғамы тұрады. Қазақстан тарихын оқудың басты мақсаты осындай деуге болады. Осының барлығы оқушыларда қоғамдық даму негізінде ғылыми, адамзаттың өркениетке, өз халқының тарихына ортақтастық ұғымдарын қалыптасуында маңызды болып табылады, ұрпақтардың бірізділік пен белсенді азаматтық ойды қалыптастыруға жағдай жасайды.
Тарих – ол тек қана өткен заман туралы мәлімет емес, сонымен қатар ол қазіргі әлемдегі өз орнын анық түрде түсіну, өз азаматтық ойын мен өтіп жатқан оқиғаларға өз қарым-қатынасты айқын белгілеу және оларды дұрыс түсінік жасайтын тарихи ой-пікір. Сөзсіз, тарих ұлттық абырой мен отаншылдықты тәрбиелейді - естияр азамат болу үшін кішкене ғана тарихшы болу қажет. Бүгінгі таңда жаңа саяси мәдениет қалыптасудың белсенді процессі өтіп жатыр. Осы сана-сезім қалыптасу барысында өз елдің көпғасырлық тарихын білуі өте маңызды. Оны білмей мемлекетімізде болып жатқан процесстерді түсіну, елімізді құқықты демократиялық және экономикалық жағынан дамыған мемлекетке айналуы да мүмкін емес. «Тарихы жоқ халық ата-анасыз өскен сәби бала сияқты - барлығына ең басынан үйренеді. Тарихи есінен айырылған халық солқылдақ шыбық секілді – бүккен жаққа бұрылады» - деп Ш. Т. Айтматов бекер айтпаған.
ҚИО ұйымдастыру комитеті жас буынның арасында «Қазақстан тарихы» пәнін әйгілеу, оның қызығушылын жоғарту, теориялық білімдер мен тәжірибелі дағдыларды тереңдету мақсатында барлық оқушыларды Қазақстандық интернет олимпиадаға қатысуына шақырады.
