Психологиядан республикалық қашықтық олимпиадасын өткізу туралы ақпарат
«КИО» республикалық ғылыми-практикалық орталығы 2016 жылдың 17-18 ақпан күндері Қазақстан Республикасы білім беру ұйымдарының психологтары арасында психологиядан қашықтық олимпиадасын (бұдан әрі - Олимпиада) өткізеді.
Олимпиаданың мақсаты - шығармашыл психологтарды анықтау және қолдау, кәсіби қызметіне ынталандыру.
Олимпиаданы ұйымдастыру және техникалық жағынан қамтамасыз етуді «Қазақстандық интернет олимпиадалар» порталы жүзеге асырады (бұдан әрі - Координатор).
Олимпиада тапсырмаларын қатысушылар өз бетімен www.cdo.kz сайтынан онлайн режимінде алады.
Олимпиада уақытпен шектеледі, сол уақыт аралығында қатысушы тапсырмаларға жауап беруге үлгеру керек. Берілетін уақыт олимпиаданың тапсырмасында көрсетіледі.
әрбір қатысушыда сайтқа кіру үшін логин мен пароль болуы керек. Логин мен парольді www.cdo.kz. сайтында тіркелуден өту арқылы алуға болады.
Олимпиадаға қатысу үшін ұйымдастыру жарнасы бір адамға 350 (үш жүз елу) теңгені құрайды. Төлем ақыны www.cdo.kz. сайтында көрсетілген тәсілдердің бірі арқылы жүзеге асыруға болады.
Қатысушылар орындаған тапсырмалар нәтижелері автоматты түрде бағаланады. Олимпиаданың жеңімпаздары мен жүлдегерлерінің тізімі олимпиада аяқталғаннан кейін 4 күн ішінде www.cdo.kz. сайтына шығарылады.
Жеңімпаздар мен жүлдегерлер «КИО» І, ІІ, ІІІ дәрежелі дипломдарымен марапатталады.
Жеңімпаздар мен жүлдегер дипломдары Координатормен дайындалып, қатысушының профилінде көрсетілген оқу орнының мекен-жайына пошта арқылы жіберіледі.
Қашықтық Интернет Олимпиадасы туралы ережені www.daryn.kz және www.cdo.kz сайттарынан алуға болады.
