Қазақ тілінде оқытатын мектептерге арналған тест тапсырмалары Қазақстандағы орыс тілінің қызметтік ерекшеліктеріне, республика мектептеріндегі «Орыс тілі» пәнін оқытудың стратегиялық мақсаттары мен қазіргі лингвистикадағы соңғы жаңалықтарға сәйкестендіріліп дайындалды. Сонымен, қалыпты тапсырмаларға қоса этнолингвистикалық бірліктерді анықтауға, мәтіндегі негізгі лексиканы табуға бағытталған сұрақтар әзірленді. Берілген сөздердің тақырыбына сай  мәтінді дайындауға бағытталған тапсырмалар да дайындалды. Синтаксистік талдау объектісі ретінде терең фәлсафалық мағынаға ие цитаталар мен төл сөздер қолданылды. Қазақ ауыз әдебиеті пен шешендік өнердің,  қазақ және орыс ақын-жазушылары шығармаларының үлгілері алынды.  Айталық, А. Құнанбайұлының, А. Пушкиннің, М. Лермонтовтың, І. Есенберлиннің, А. Әлімжановтың шығармашылығы қолданылды.

Орыс тілінде оқытатын мектептерге арналған аталмыш пән бойынша өтетін ҚИО тапсырмалары көбінесе лексика мен стилистика бойынша әзірленді. Қатысушыларға сөздердің мағынасы мен қазіргі орыс тілінің функционалды стильдері, фразеология, сөзжасам, морфология мен орфографияға байланысты білімдерін қайталап өткен жөн.

Қымбатты ҚИО қатысушылары! Сіздерде «Орыс тілі» пәні бойынша өтетін интернет-олимпиадаларға қатысып, өз білімдеріңіздің деңгейін анықтауға мүмкіндіктеріңіз бар!