ҚИО ұйымдастыру комитеті нәтижелерді қорытындылап, қоғамдық-гуманитарлық пәндер бойынша (қазақ тілі, орыс тілі, ағылшын тілі, Қазақстан тарихы) үздік қатысушыларды марапаттауға дайын. 

Жеңімпаздарды біз 6-7, 8-9, 10-11 сынып аралығындағы қатысушылар арасында 4 пәннің екінші кезеңдерінен қосылған ұпайлар қорытындысы бойынша анықтаймыз. Осы жолы, өкінішке орай, 6-7 сыныптар арасында шәқіртақы алушылар болмай шықты. Бірақ біз жаңа жартыжылдықта міндетті түрде марапатқа лайықты, пәндер бойынша өз білімін жоғары нәтижеде көрсететін және 6 ай бойы шәкіртақы алатын оқушылар табылатынына сенеміз.

Осы жылы қоғамдық-гуманитарлық пәндер бойынша цикл аяқталды. Алты ай бойы 6500 (алты мың бес жүз) теңгеден тұратын атаулы шәкіртақыны және «ҚИО шәкіртақы иегері» дипломын алатын қатысушыларды атауға дайынбыз.

Шәкіртақы алушылар:

- Инкар Аргынбекова (Алматы обл., Талдықорған қ., М. Арын атындағы ДБА №24 арнаулы лицейі) 8-9 сынып;

- Дәурен Әбілқайыр (ОҚО., Жетісай қ., Б. Момышұлы ат. №6 МГ) 10-11 сынып.

Инкар және Дәурен, біздің техникалық қызмет көрсету орталығына міндетті түрде хабарласыңыз, Сіздермен шәкіртақыны төлеу тәртібі туралы келісу керекпіз.

Қандай олимпиадалар қатысушыларға өз білімімен шәкіртақы табуға мүмкіндік береді? Бүгінгі күнде – бұл тек қана ҚИО!