Құрметті Қазақстандық Интернет олимпиада қатысушылары!
"Математика" мен "Әлемдік өркениеттердің жетістіктері" пәндерінің олимпиада қорытындылары бойынша Алматы, Шығыс Қазақстан, Павлодар және Қарағанды облыстардың қатысушылары мен мұғалімдерінен ұйымдастыру комитетіне жолдамалары түсті. Олар олимпиадалық тапсырмаларды 10 минуттан кем уақыт ішінде жоғары ұпай ұтып жинаған қатысушылардың нәтижелерін қайта тексеруге ұсыныстарын білдірді.
Ұйымдастыру комитеті аталған пәндер бойынша 2011 жылы "Алтын белгіге" ие болған мектеп түлектері мен физика-математика және тарих ғылымдарының кандидаттарына олипиададан эксперимент түрінде өтуіне тартты. Эксперименттің қорытындысы осындай болды: "Математика" пәні бойынша физика-математика ғылымдарының кандидаты тапсырмаларды 11 минуттың ішінде орындады, "Әлемдік өркениеттердің жетістіктері" пәні бойынша тапсырмаларды орындауға тарих ғылымдарының кандидаты 9 минут кетірді, ал мектеп түлектері - онан да көп. Ғалымдар тапсырмалардың қиындығын, кейбір сұрақтары мектеп бағдарламасының шегінен шыққанын белгілеп, тапсырмалардың жоғары олимпиадалық деңгейлерін дәлелдейді. Сондықтан оларды 10 минуттан кем уақытта орындау мүмкін емес.
Алынған мәліметтер негізінде ҚИО ұйымдастыру комитеті олимпиаданы 10 минуттан кем уақытында өтіп, 30 ұпайдан жоғары жинаған қатысушылардың қорытындыларын жою туралы шешім қабылдады. Осыған байланысты олимпиада қатысушылардың нәтижелері мен мектептер рейтингтері жаңадан саналады. Ұйымдастыру комитеті қабылдаған шаралар қатаң болғанын сезіне отырып, олимпиада қатысушылар мен мұғалімдердің түсінуіне үміт артамыз. Ашық әрекеттер әр сайысты, сонымен қатар қатысушылардың біліктілігін де, бағалауының объективтілігінің негізі болады
Әр оқушы олимпиадаға қатысамын деп ниет білдіргенінде, ең алдымен мұғалім мен құрдастарының білімдерін емес, өз білімдерін тексереді. Тек еңбегі сіңген табыстар ғана адамды толық түрде қанағаттандырады.
ҚИО ұйымдастыру комитеті осы тәрізді өкінішті жағдай келешекте қайталанбайды деп үміттенеді. Бір-біріміздің алдында, әсіресе, өз алдымызда адал болайық!
