Казақстандық интернет олимпиадалары Қазақстан Республикасы оқушыларының интеллектуалдық потенциалын дамытудың әдісі мен құралы ретінде
Құрметті әріптестер!
Осы жоба дамуы үшін оқушыларыңыз, мұғалімдер мен өздеріңіз күш салғаныңызға ризашылығымызды білдіруге рұқсат етіңіз. Бүгінгі таңда ҚИО Республикамыздың барлық өңірлеріне тарады деуге болады. Ең белсенділері: Павлодар, Қызылорда, Қарағанды, Солтүстік-Қазақстан мен Шығыс Қазақстан облыстары.
ҚИО – алғашқы күндерден бастап Қазақстандық жоба ретінде орын алады, осының басты көрсеткіші – қазақ тілінде қатысатын балалардың үлесі. Ұйымдастыру комитеті қазақ тілінде cdo.kz сайтында қажетті ақпарат беру мен техникалық қолдау жасап, олимпиадаларды жоғары деңгейде өткізу үшін барынша тырысты. Осы жұмыстың нәтижесі болып жалпы қатысушылардың санының 62%-ын қазақ тілінде қатысатын оқушылар құрайтыны болды. 2011 жылдың қыркүйегінен бастап ҚИО жобасында Қазақстанның 3000-нан астам мектептерінен 20 000-нан аса оқушы тіркелді.
Олимпиадаға қатысқан әр оқушыда жиналған ұпайлар саны және тапсырмалардың орындалуына кеткен уақыт негізінде өз рейтингісі қалыптастырылады. CDO.KZ сайтында облыстар, қалалар, аудандар мен мектептер жағынан рейтинг негізінде қорытындылар жасалды.
«Дарын» Республикалық ғылыми-тәжірибелік орталығы қолдауымен қатысқан мектептер арасында қатысушылар мен жеңіпаздар саны негізінде ҚИО рейтингтер жүйесі жетілдірілген. Осы оқу жылынан бастап «Дарын» РҒТО-мен бірігіп ҚИО ұйымдастыру комитеті ең жоғары рейтинг жинаған мектептерді жыл сайын ауыспалы кубогымен марапаттау туралы шешім қабылдады. Аталмыш марапаттау ҚР білім беру саласында істейтін қызметкерлерінің тамыз айында өткізілетін кеңесінде жасалады. ҚИО рейтингін екі жыл бойы дәлелдеген мектеп кубокты өзінде қалдыруға құқылы.
2010-11 оқу жылының қорытындысы бойынша 11-сынып оқушылары арасында белгіленген жеңімпаздарға Құрыш пен қорытпасы Мәскеу институтының екі гранты және Сүлейман Димирел атындағы университетінің екі гранты тапсырылды. 6-11-інші сынып оқушылары бағалы сыйлықтар, жазғы сауықтыру орталықтарына жолдамалар мен ағылшын тіліне үйрету сертификаттарына ие болды.
Құрметті әріптестер, күн сайын жобаны жақсарту мақсатында жаңа сервистерді жасауда күшімізді салуға аянбаймыз. Қазір олимпиада қатысушыларының бір-біріне электрондық хат жіберуіне, достар қатарларына енгізу және басқа қалалар мен облыстарында өз құрдастарын табуына мүмкіндіктері бар. Сонымен, жаңа білім алуға ұмтылған және ортақ идеямен біріктірілген қазақстандық оқушылардың әлеуметтік желісі қалыптастырылады.
Біздің жобамызға оқушылардың қатысуы олардың білімдерін тек қана бағалау үшін емес, сонымен қатар интеллектуалдық сайыстарға қатысып тәжірибе алу, қатаң түрде шектелген уақытында шешім қабылдау қабілетін дамыту үшін пайдалы болады деп үміт тартамыз.
Мектеп үшін жобаға қатысу немен ұтымды? Ортақ іс ылғи біріктіреді, командалық рухты қалыптастырады, берілген тапсырмаларды орындауға дайындықты жасау үшін пән мұғалімі мен оқушыларды жақындатады.
Хаос теориясына сәйкес жер шарымыздың бір жағында көбелектің қанат қағуы жердің басқа түкпірінде қатты дауылды шақыруы мүмкін. Жаңа әлемде Қазақстанның жас ұрпақтарының бағы ашылуы үшін, біздің қанаттарымыздың қағуларын біріктірейік!
ҚИО-ның ұйымдастыру комитетінің төрағасы
Д. Зиновьев
