Құрметті Жұбан Молдағалиевтің «Мен – қазақпын!» поэмасы бойынша өткен интернет - олимпиадаларының қатысушылары! Республикалық «Бір ел - бір кітап» шарасына бұл дастанды оқып қана қоймай, оның көркемдік-идеялық мазмұнының сараптамасын жасай алған, батыл да ерекше ақынның өмір жолын зерттеуге талпынған тағы 423 білімпаз қосылды. Әсіресе орыс тілінде білім беретін мектептердің 168 оқушысын бөліп атағымыз келеді. Себебі - бұл шығарма білім беру бағдарламаларына кірмеген. Рахмет, балалар: Сендер қызығушылықтарыңнын тек үй тапсырмаларымен шектелмейтінін дәлелдедіңдер! Ж.Молдағаливтің шығармашылығымен танысуларың сендер үшін тек әдеби жаңалық қана емес, сонымен бірге ішкі жан дүниелеріңді байытып, еліміздің болашағына деген сенімдеріңді қатайта түсті деген ойдамыз. Ақын өзінің дастанында жырлағандай «Мен қазақпын! Мың өліп, мың тірілдім мәңгі өлмеске. Айта бергім келеді, айта бергім...». Еліміздегі жас ұрпақтың білім деңгейі мемлекетіміздің 50 дамушы елдің қатарына қосылуға лайық болғай! Тапсырмалардың оңай болмағаны байқалады, себебі - оларды бір топ авторлар құрастырды. Сондықтан болар ең жоғары ұпай жинағандар, өкінішке орай, бұл жолы кездеспеді. 24 ұпайды - Попов Владимир (№ 62 ОББМ, Қарағанды қ.) және 23 - Бақдаулет Самигуллин (№ 26 ОББМ Павлодар қ.) жинай алды. Жарайсыңдар! Сондай-ақ жақсы нәтиже көрсеткен келесі қатысушылардың атын атағанды жөн көрдік: Жұмадиева Тоқжан (№ 8 мектеп-лицейі, Павлодар) – 22 ұпай Утимишева Ғалия (№ 62 ОББМ, Қарағанды) – 22 ұпай Байділдина Жанел (№ 1 мектеп-лицейі, Екібастұз) – 22 ұпай Тілеукенова Ажар (№ 8 мектеп-лицейі, Павлодар) – 21 ұпай Савченко Юлия (№ 9 мектеп-гимназиясы, Қарағанды) – 21 ұпай Кузеева Камила (№ 3 мектеп-гимназиясы, Павлодар) – ұпай Бугакова Елена (№ 3 гимназия, Павлодар) – 21 ұпай Кузеева Камила (№ 3 гимназия, Павлодар) – 21 ұпай Кенжегулова Айнұр (№ 62 ОББМ, Қарағанды) – 20 ұпай Ахметжанов Наиль (№ 1 мектеп-лицейі, Екібастұз) – 20 ұпай Хивук Сергей (№ 1 мектеп-лицейі, Екібастұз) – 20 ұпай. Мемлекеттік тіл - қазақ тілінде білім беретін мектептер оқушыларының арасында өткен «Мен - қазақпын!» дастаны бойынша ҚИО ның қатысушыларына тоқталсақ: Сәкенова Махаббат (Абай атындағы ОББМ, Ақтоғай ауданы) – 22 ұпай Кареров Ерсерік (№ 26 ОББМ, Екібастұз) – 21 ұпай Төлеуғазина Айгерім (М.Жұмабаев атындағы мектеп-гимназиясы, Қарағанды) – 21 ұпай Ермекбаева Жазира (№ 26 ОББМ, Екібастұз) – 21 ұпай. Қарашашева Гүлдана (С.Саттаров ат. № 57 мектеп–лицейі) – 20 ұпай Біләлова Әйгерім (№ 35 ОББМ, Павлодар) – 20 ұпай Нұркенова Динара («Жас дарын» мамандандырылған мектебі) – 20 ұпай Талипов Бағлан (№ 26 ОББМ, Екібастұз) – 20 ұпай Қожамбердина Дана (№ 26 ОББМ, Екібастұз) – 20 ұпай Тілеуова Диана (қазақ мектеп-гимназиясы, Петропавл) – 20 ұпай Шарифхан Ақмарал (Абай ат. ОББМ, Ақтоғай ауд) – 20 ұпай Жарайсыңдар, балалар! Жеңімпаздар туралы ақпарат сондай-ақ www.nabrk.kz сайтында да айқын көрініс табатын болады. Ерекше алғысымызды біздің олимпиадаларымызға қатысуда оқушыларына жәрдем еткен мұғалімдерге білдіреміз. Бұл додада көзге түскендерің арасынан Екібастұз қаласындағы № 26 мектептің белсенділігін бөліп айтқымыз келеді – бұл білім орнының 24 тәрбиешісі олимпиадаға атсалысып, олардың арасынан жеңімпаз анықталса, 4 қатысушысы 20-дан жоғары ұпайға қол жеткізді. Қымбатты қатысушылар! Сендердің олимпиада жайлы ой-пікірлеріңді білгіміз келеді. Біздің besasyl@mail.ru электронды поштамызға хат жолдаңыздар. Қымбатты достар! Біздегі мәліметтер бойынша бұл олимпиадаларға қатысуға ниет білдірген және өтініштері мақұлданған оқушылардың саны: қазақ тілінде - 357, ал орыс тілінде - 202! Алайда тестілеуден тек қана 423 оқушы өтті. Мәселенің мәнісі неде? Олимпиадаға атсалысуға ниет еткендердің барлығы тестілеуден өтулері керек деген ойдамыз. Құрметті мектеп жетекшілері, үйлестірушілер мен мұғалімдер, бірлесіп, бұл мәселені жолға қоялық!