1)  Бірден ұсынатыным - мұғалімдердің де, оқушылардың да информатика олимпиадасын жалпы информатика және бағдарламалау деп екіге бөлу керек. Ақпараттық технологиялар олимпиадасының қос тармағы бола берсін, ал біз қалағанымызды тапсырамыз.

  2) Болашақ информатика олимпиадасының мынадай құрылымын ұсынамын:  

                     а)  Математикалық негіздер - санау жүйелері, кодтау, логика,

                     ә)  Физикалық негіздер - триггерлер, қосқыштар, аппараттық қамсыздандыру,  желі,

                     б)  Қолданбалы бағдарламалар - офис, антивирустар, файлдық менеджерлер, мультимедиа,

                           байланыс, ғаламтор, веб-жасаушы, CMS, 

                     в)  HTML тілінің және сайт жасау негіздері,   

  3)  Компьютерлік бағдарламалау олимпиадалары спорттық жарыс түрінде дүниежүзілік бір бейімге түсіп қалды - АСМ, республикалық, дүниежүзілік олимпиадалар және т.б. , нәтижелерді автоматты түрде тексеру, Free және ABC Pascal, C++, Java және осының бәрі онлайн.  

Бір мезгілдік емес, тұрақты түрде, рейтинг жинау арқылы болғаны дұрыс шығар. Әрқашан өзіңді-өзің тексере алатын, жаттығу, өз қателеріңмен жұмыс мүмкіндіктері жақсы болар еді.  

Әрине, бұл жеке менің ұсыныстарым, қателері болуы мүмкін, басқа ұсыныстар, өзгертулер, толықтырулар жасауға болар, ия, ұсыныңыздар. Бірақ менің ұсынысымның түпкі мәнісі дұрыс және өзінен өзі сұранып тұрғанына сенімдімін.  

Ұсынысыма оқушылар мен әріптестерім қалай қарайды екен?  

Барлық оқушыларға, әріптестер мен ҚИО - ны ұйымдастырушыларға деген үлкен құрметпен. 

Әсіресе маған ұнайтыны - онлайн сертификат және диплом алу!!! Рақмет жігіттер!