ҚИО жеңімпаздарын салтанатты марапаттау рәсіміне ұйымдастыру комитетінің төрағасы Денис Зиновьев қатысып, оқушылар тарапынан ҚИО-ға деген қызығушылық күн санап артып келетінін атап өтті. Екінші жартыжылдықтың қорытындысы бойынша үздік нәтижелерді көрсеткен ҚИО қатысушыларына естелік дипломдар, бағалы сыйлықтар (флэш карталар, сандық фотоаппараттар, «Lengberry» тіл мектептерінде 3 айлық тегін оқудың сертификаттары, бас жүлде – ноутбук) табыс етілді. Он бірінші сынып оқушылары арасындағы үздік жеңімпаздарға С.Демирель атындағы университеті мен Мәскеудің Болат және қорытпа институтіндегі білім гранттары тапсырылды.

Салтанатты шара соңы «Жас Дәурен» лагері ұйымдастырған би кешіне ұласты.

Келесі күні ҚИО қатысушылары тау аралап, естелік суретке түсті. ҚИО ұйымдастыру комитеті шараны өткізуде қолғабыс жасаған «Ертiс дарыны» мен «Жас Дәурен» жазғы сауықтыру лагерінің басшылығына алғыс білдіреді.

Қымбатты оқушылар мен ұстаздар! Қазақстандық интернет-олимпиадалары сіздердің жобамызға деген қызығушылықтарыңыз үшін ризашылық білдіреді. Жаңа оқу жылында сіздерді қызықты әрі тартымды зияткерлік сайыстар, бағалы сыйлықтар, сондай-ақ Қазақстан Республикасы мен Ресейдің ЖОО-дағы білім алу гранттары күтіп тұр. Жазғы демалысты ойдағыдай өткізіп, жаңа сайыстарға күш-жігер жинаңыз! Келесі кездескенше!