Оның мектепте айтарлықтай жақсы оқымағаны белгілі,  алайда 1850 ж. Менделеев Бас педагогикалық институтына түсіп, оқуға деген қызығушылығы оянып, аз уақыт ішінде үздіктердің бірі атанды. Жиырма бір жасында Менделеев оқу бітіру емтихандарын сәтті тапсырса, ал оның изоморфизм үрдісі жайлы дипломдық жұмысы кандидаттық диссертацияға теңестірілді.

Өзінің химиядағы танымал жаңалығын ол 35 жасында ашты, бұл – ХІХ жүзжылдықтың үлкен оқиғасы ғана емес, өткен мыңжылдықтағы адамзат санасының ең биік жетістігінің бірі болып саналады. Солай болса да Менделеевтің Периодикалық таблицасы біз үшін жұмбақ болып қала берді.

Менделеевтің дарынды қырлары көп болды: жақсы әке болып, туыс-туғанымен жылы қарым-қатынаста болды. Ол әрдайым тәуелсіз және өз ісінің патриоты бола білді. Оның барлық көз-қарасы: «Ғылым – ерікті әрі тәуелсіз іс болып саналады» атты ұранында айқын көрініс тапты.

Менделеевтің Қарағандыдағы көмір бассейнінің өнеркәсіптік дамуына қатысты айтқан ойлары да белгілі. Иә, дарынды адам, шынында да, көпқырлы болады екен.

Ұлы химик жайлы осындай кішігірім ақпаратымыз сіздердің химиядан өтетін ҚИО-ларға қатысуға өз септігін тигізеді деген ойдамыз. Бөлшектердің үздіксіз айналымынан құралған химия әлеміне қош келдіңіздер! Олимпиадаларға қатысып, рахатқа бөленіңіздер!