2011 жыл – Қазақстан Республикасы тәуелсіздігінің 20-жылдығы тойланатын жыл. Бұл тақырыпқа орай арнайы олимпиада өткізіледі. Алайда, бұл ҚИО мазмұны жағынан ғана емес, тарсырмаларды орындау түрі бойынша да жаңаша форматта болмақ.

Сіздер В.С.Аванесовтың педагогикалық өлшемдерінің технологиясы жайлы естіген боларсыздар. Міне, ҚИО тапсырмаларын дайыдайтын әдіскерлер – ғалымдар бұл методика бойынша тест тапсырмаларын әзірлеп үлгерді. Бұл нені білдірмек? Сонымен, ұсынылған бес жауаптан бір дұрысын таңдайтын дәстүрлі тест тапсырмаларынан басқа сіздерді  тест тапсырмаларының жаңа түрлері күтуде.

Бұл, біріншіден, ұсынылған 8-10 жауаптан бірнеше дұрыс нұсқаларды таңдауға мүмкіндік берсе, екіншіден, бұл тапсырмалар сәйкестікті табуға бағытталған, бұған қоса дұрыс жауаптардың саны ұсынылған сұрақтардың санына сәйкес келмеуі де мүмкін.

Тапсырмалардың үшінші түрі белгілі бір фактілер немесе оқиғалардың дұрыс ретін табумен, өсу не болмаса кему ретін айқындаумен сипатталады.

Бұл тапсырмаларымыз өте қызықты болар деген ойдамыз және де оларды орындау үшін қосымша зияткерлік білімдеріңіз керек екенін де ескертеміз. Бұл сендердің зияткерлік қабілеттеріңді де жоғарлата түспек, солай ғой?!.

Осындай түрде ағылшын тілінен өтетін ҚИО-лар, Қазақстанның 20-жылдық тәуелсіздігіне арналған олимпиадалар мен «Бәрін білгім келеді!» атты командалық олимпиадалар әзірленбек.

Біздің олимпиадаларға қатысып, жеңіске жетіңіздер!