Жемқорлықсыз ел – гүлденген ел» атты республикалық қашықтық олимпиадасы 11 сынып оқушылары арасында 2015 жылдың 12 қарашасында өткізілді. Олимпиаданы ұйымдастырушылар ҚР Білім және ғылым министрлігі мен «Нұр Отан» партиясы. Жоба ҚР Мәдениет және спорт министрлігінің мемлекеттік әлеуметтік тапсырыс шеңберінде іске асырылып отыр.
Олимпиада «Адам.Қоғам.Құқық.», «Дүниежүзі тарихы» және «Қазақстан тарихы» пәндерінен өткізілді. Зияткерлік сайыстың мақсаты – қоғамдық-гуманитарлық ғылымдар саласында дарынды оқушыларды анықтау және қолдау, сондай-ақ оқушыларда жемқорлықтың түрлері жөнінде жалпы түсінікті, жемқорлық жағдайлары туралы білім жинынтығын және құқықтық және рухани-этикалық нормаларға сәйкес тәртіпті қалыптастыру.
Жемқорлыққа қарсы заңнамаларды үздік білетіндерді анықтау олимпиадасына республиканың 7108 оқушысы қатысты. Сайыс қорытындысы бойынша Гран-приді Оңтүстік Қазақстан облысының М.Х. Дулати атындағы №8 үш тілде оқытатын гимназияның 11 сынып оқушысы Даяна Қарымбаева жеңіп алды. Даяна 65 сұрақтың 64-не дұрыс жауап берген. Сонымен қатар, I, II, III дәрежелі дипломдармен және сыйлықтармен республиканың 13 өңірінен 11 сыныптың 40 оқушысы марапатталды.
Олимпиада жеңімпаздарын салтанатты марапаттау рәсімі «Нұр Отан» партиясының орталық аппаратында а.ж. 18 қарашасында өтті. Салтанатты марапаттау рәсімі барысында Қарымбаева Даянаға Гран-при дипломы, қатысушы сертификаты және естелік сыйлық тапсырылды.
Ұпайлар бойынша орындардың бөлінуі
Гран-При - 1 адам - 64 ұпай
1 орын - 3 адам - 63 ұпай
2 орын- 10 адам- 62 и 61 ұпай
3 орын- 27 адам- 60 и 59 ұпай
